Бишкек, 21.12.25. /Кабар/. 17-19-декабрда Бишкектеги "Газпром – балдарга" ден соолукту чыңдоо комплексинде күч түзүмдөрүнүн арасында аскердик кармаш уруш боюнча Кыргызстандын чемпионаты өттү.
Дене тарбия жана спорт мамлекеттик агенттигинен билдиришкендей, спорттук иш-чара кыргыз милициясынын биринчи генерал-майору Эргеш Алиевдин жаркын элесине арналды.
Мелдешке ведомстволордон жана күч түзүмдөрүнөн 200дөн ашуун спортчу катышып, күч сынашты.
Жалпы командалык эсепте төмөнкү командалар жеңүүчү деп табылды:
I орун – Коргоо министрлигинин "Скорпион" командасы;
II орун – Э. Алиев атындагы ИИМ академиясы;
III орун – Улуттук гвардия.
Турнир спорттук регламенттерди жана аскердик боордоштуктун духун так сактоо менен өттү.
