Бишкек, 15.04.26. /Кабар/. Бүгүн, 15-апрелде Кыргыз футбол биримдигинин кезектеги жыйыны өттү.
Аталган биримдиктен билдиришкендей, КФБнын аткаруучу комитетинин ыйгарым укуктарынын мөөнөтү аяктаганына байланыштуу 2026-2030-жылдарга жаңы курам шайланды.
Кыргыз футбол биримдигинин президенти кызматын эки жылдан ашык аркалаган Камчыбек Ташиев аткарылган иштер боюнча отчет берип, жаңы мөөнөткө талапкерлигин көрсөтпөй тургандыгын айтты.
Кыргыз футбол биримдигинен белгилешкендей, жаңы жетекчиликке талапкерлерди шайлоонун күнү жакынкы убакытта аныкталат.
