Бишкек, 26.11.25. /Кабар/. Кадамжай районунун Молдо Нияз айыл аймагында 200 гектар жерди өздөштүрүү пландалууда.
Президенттин Баткен облусундагы өкүлчүлүгүнөн билдиришкендей, өздөштүрүү тамчылатып сугаруу аркылуу жүргүзүлөт. Ал үчүн эки кудук казылып, суу чыгарылды.
Учурда тамчылатып сугаруу системасын куруу үчүн керектүү суу түтүктөрү алып келинди.
Мындан сырткары, 6 миң кубга барабар бассейн курулат. Бул үчүн республикалык бюджеттен 50 млн сом каржыланды. Долбоорду жыл аягына чейин бүткөрүү аракеттери көрүлүүдө.
