Бишкек, 25.12.25. /Кабар/. Баткендин Пидап участкасындагы газдын кору изилденет. Бул тууралуу президенттин аймактагы өкүлчүлүгүнөн билдиришти.
Маалыматка ылайык, президенттин өкүлү Айбек Шаменов Кадамжай районунудагы Пидап участкасындагы пайдаланылбай турган газ скважиналары жайгашкан аймакка барган.
Ал жеринде район акими Болот Баяке уулуна аймакта газдын запасын аныктоо боюнча иш чараларды жүргүзүү, тийиштүү министрликтерге изилдөө жүргүзүү боюнча сунуш каттарды жиберүүнү, адистер менен бирге иш алып барууну тапшырган.
Белгилей кетсек, аталган аймакта 2007-2014-жылдар аралыганда Кытай компаниясы тарабынан мунайгаз чыккан жерлерди изилдөө, чалгындоо жана бургулоо боюнча геологиялык чалгындоо иштери жүргүзүлгөн. Бирок, ири суммадагы каражат керектелгендиктен иш токтоп калган. Бүгүнкү күндө аймактагы газдын кору боюнча так маалымат жок.
