Бишкек, 24.07.26 /Кабар/. Кыргызгидромет кызматы алдыда күтүлгөн аба ырайы тууралуу маалымат таратты. Ага ылайык, өлкөдөгү аба ырайынын температурасы өзгөрмөлүү болот.
Чүй жана Талас облустары
25-июлда айрым жерлерде жана 26-июлда көпчүлүк аймактарда өткүн өтүп, күн күркүрөшү күтүлөт. 27-июлда жаан-чачын болбойт. 28 жана 31-июлда күндүз тоолуу райондордо өткүн өтүп, күн күркүрөшү мүмкүн, ал эми дыйканчылык аймактарда жаан-чачын күтүлбөйт. 29-30-июлда жаан-чачын болбойт.
Ош, Жалал-Абад жана Баткен облустары
25-31-июль күндөрү түнкүсүн негизинен жаан-чачын күтүлбөйт. 25-26-июлда Ош жана Баткен облустарынын айрым жерлеринде өткүн өтүп, күн күркүрөшү мүмкүн. 27-31-июль аралыгында тоо этектеринде жана тоолуу райондордо мезгил-мезгили менен өткүн өтүп, күн күркүрөшү күтүлөт, ал эми өрөөндөрдө жана дыйканчылык аймактарда жаан-чачын болбойт. Жалал-Абад облусунда болсо 31-июлда гана тоолуу райондордо өткүн өтүп, күн күркүрөшү мүмкүн, калган күндөрү жаан-чачын күтүлбөйт.
Ысык-Көл жана Нарын облустары
25-31-июль аралыгында түнкүсүн негизинен жаан-чачын күтүлбөйт. Күндүз 25-30-июлдары айрым жерлерде өткүн өтүп, күн күркүрөшү мүмкүн, ал эми 26-июлда Нарын облусунун көпчүлүк аймактарында жаан жаашы күтүлөт. 31-июлда тоолуу райондордо өткүн өтүп, күн күркүрөшү мүмкүн, дыйканчылык аймактарда жаан-чачын күтүлбөйт. Тоолуу аймактарда нөшөрлүү жаандан улам тоо этектеринде сел жүрүү коркунучу сакталат.
