Бишкек, 01.11.26. /Кабар/. 5-ноябрда Бишкектеги Ак-Жар, Ак-Бата жана Келечек конуштарында суу берүү убактылуу токтотулат. Бул тууралуу мэриядан билдиришти.
Маалыматка ылайык, саат 09:00дөн 17:00гө чейин турак жай, мектеп, бала бакча, саламаттыкты сактоо мекемелерине жана башка социалдык жана өнөр жай объектилерине ичүүчү суу берилбейт.
Суу “Ак-Жар” жана “Ак-Бата” суу топтомолорунда жана шаардык суу түтүк тармактарында профилактикалык оңдоп-түзөө иштерине байланыштуу убактылуу токтотулат.
Мындан улам “Бишкексууканал” муниципалдык ишканасы жашоочуларды, уюмдарды ичүүчү сууну алдын ала камдап алууну суранат.
