Бишкек, 30.05.25. /Кабар/. Индияда пиротехника чыгарган фабрикада жарылуу болду. Бул тууралуу The Indian Express гезити жазганын Известия кабарлады.
Маалыматка караганда, фабрикадагы жарылууда кеминде беш адам каза таап, 34 киши жаракат алды.
Сингхвала айылындагы фабрикадагы жарылуудан кийин эки кабаттуу имарат жараксыз абалга келген. Көз жумгандардын өздүгү азырынча тактала элек. Кызматкерлердин басымдуу бөлүгү Уттар-Прадеш жана Бихардан келген мигранттар болгону айтылды.
Ошондой эле полиция учурда куткаруу иштери уланып жатканын кабарлады.
Буга чейин да Индияда салют чыгарган фабрикада жарылуу катталып, кеминде 13 адам каза тапкан болчу.
