Бишкек, 15.05.26 /Кабар/. Индиянын түндүгүндөгү Уттар-Прадеш штатында катуу бороон жана нөшөрлүү жаандан улам каза болгондордун саны 100дөн ашты. Бул тууралуу ТАСС кабарлады.
Маалыматка ылайык, адамдардын көбү кулаган бак-дарактардан, ураган имараттардан жана чагылган уруудан каза болушкан. Учурда кырсык болгон аймактарда куткаруу иштери уланууда.
Штаттын башкы министри Йоги Адитьянатх каза болгондордун үй-бүлөлөрүнө каржылык жардам көрсөтүлөрүн билдирди.
