Бишкек, 07.05.25. /Кабар/. Индия менен Пакистан бири-бирине ракеталык сокку урушту. Бул тууралуу дүйнөлүк маалымат каражаттары жазышууда.
Индиянын Коргоо министрлиги "Синдур" аскердик операциясы башталганын жарыялады, анын жүрүшүндө пакистандык тогуз объектке чабуул жасалган. Расмий билдирүүдө департамент бул аракеттер Индияга каршы чабуулдар пландаштырылган "террордук инфраструктурага" багытталганын белгиледи.
Индиялык аскерлердин Пакистанга жасаган соккусунун натыйжасында эки адам өлүп, дагы 12 адам жаракат алганын Geo TV телеканалы билдирди.
Индиянын чабуулдарынан кийин Пакистан өзүнүн учактарын сүзүп, жооп чабуулдарын баштаганын SAMAA телеканалынын булактары билдирди. Индиянын Сринагардагы авиабазасына жана Индиянын Кашмирдеги башка шаарларына чабуул жасалган. Пакистан артиллериялык, баллистикалык жана канаттуу ракеталарды колдонгон. Индия Пакистан жооп чабуулдарын баштагандан кийин ок атышпоо келишимин бузуп жатканын билдирди.
Буга чейин АКШ президенти Дональд Трамп жооп кайтарган.
