Бишкек 29.05.25 /Кабар/. Илон Маск Дональд Трамптын администрациясындагы атайын мамлекеттик кызматкер катары ишин аяктаганын жарыялады. Бул тууралуу миллиардер кечээ күнү өзүнүн X социалдык платформасында билдиргенин Коммерсант.ру басылмасы жазып чыкты.
"Атайын мамлекеттик кызматкер катары менин мөөнөтүм аяктап калды. Президентке натыйжасыз чыгымдарга каршы күрөшүүгө мүмкүнчүлүк бергендиги үчүн ыраазымын", — деп жазды Маск. Ал ошондой эле Өкмөттүн натыйжалуулугун жогорулатуу департаментинин (DOGE) миссиясы "мурдагыдан да бекемделет" деп кошумчалады.
Ишкер буга чейин, тактап айтканда 22-апрелде, DOGE уюмуна арнаган убактысын кескин кыскартып, негизги көңүлүн Tesla компаниясына бурарын айткан болчу.
