Бишкек, 12.02.25. /Кабар/. Гватемалада автобус көпүрөдөн кулап, кеминде 55 адам каза тапты.
Euronews маалымдагандай, жол кырсыгы унаалардын кагылышуусунан улам болгон. Анда бир автобус көпүрөдөн капчыгайга кулап түшкөн.
Тергөөчүлөр окуя болгон жерден 53 адамдын сөөгүн табышкан.
Ооруканага жеткирилген адамдардын ичинен дагы эки киши көз жумганы айтылды.
Гватемаланын президенти Бернардо Аревало каза болгондордун жакындарына көңүл айтып, 11-февралды улуттук аза күтүү күнү деп жарыялаган.
