Бишкек, 04.11.26. /Кабар/. Күн мурун Грузия парламентинин төрагасы Шалва Папуашвили Улуттук тарых музейине барды.
Маданият, маалымат жана жаштар саясаты министрлигинен билдиришкендей, Шалва Папуашвили жана аны коштоп жүргөн делегация мүчөлөрү үчүн музейдин экспозициялары боюнча атайын экскурсия уюштурулду.
Экскурсиянын жүрүшүндө коноктор Кыргызстандын тарыхы, кыргыз элинин басып өткөн жолу, кыргыз мамлекеттүүлүгүнүн калыптануу этаптары жана өлкөнүн көп кылымдык маданий-тарыхый мурасын чагылдырган уникалдуу экспонаттар менен таанышты.
Белгилей кетсек, Грузия парламентинин төрагасы Шалва Папуашвили расмий сапары менен Кыргызстанга келген.
