Бишкек, 01.09.25. /Кабар/. Мурдагы саламаттык сактоо жана эмгек, социалдык камсыздоо жана миграция министри Гүлнара Баатырова "Ош облусунун ардактуу атуулу" наамы менен сыйланды. Бул тууралуу президенттин Ош облусундагы өкүлчүлүгүнөн билдиришти.
Маалыматка ылайык, ардактуу атуул наамы облустун социалдык-экономикалык өнүгүүсүнө кошкон олуттуу салымы жана көп жылдык үзүрлүү эмгеги үчүн берилди.
Наамды бүгүн, 1-сентябрда президенттин Ош облусундагы ыйгарым укуктуу өкүлү Элчибек Жантаев тапшырды.
Сыйлык тапшыруу аземинде облус жетекчиси куттуктоо сөз сүйлөп, мурдагы министрдин өлкөгө жана аймакка сиңирген эмгегин жогору баалап, мындан аркы ишинде ийгиликтерди каалады.
