Бишкек,12.05.25. /Кабар/. Г.Айтиев атындагы Кыргыз улуттук көркөм сүрөт музейи 90 жылдык мааракесин белгилөөнүн алкагында 17-майда “Музейлер түнүн” өткөрөт.
"Салтка айлангандай, бул түнү кирүү жана иш-чараларга катышуу акысыз. Бул учурда музей мейкиндиги сыйкырга толуп, анда искусствонун түрлөрү чогулат", — деп айтылат музейдин сайтында.
Келгендер көргөзмө, жарманке жана фуд-корт, мастер-класстар жана музейдин өнөктөштөрүнүн иш-чараларына күбө болушат. Кеңейтилген музыкалык программа жана музейдин эки көргөзмөсү, алардын бири мультимедиялык форматта өткөрүлөт.
Иш-чара эл аралык “Музейлер түнү-2025” иш-чарасынын алкагында өтөт.
