Бишкек, 08.07.25. /Кабар/. Франциянын түштүгүндөгү Од департаментиндеги токойдон чыккан өрт 2000 гектар аянтты жалмады.
Интерфакс маалымдагандай, тилсиз жоодо 9 киши жаракат алды. Чеберкана менен аткана күйүп кетти, ошондой эле үч ат өлдү. Өрт 6 турак жайды жана кампаны да каптады. 3 миңдей жашоочу жарыксыз калды.
Бүгүн өрттү өчүрүүгө 1070 кызматкер жана 270 техника тартылды.
Тилсиз жоого байланыштуу жакынкы автомагистралдарга, анын ичинен Франция менен Испанияны байланыштырган жолдо унаа кыймылына чектөө киргизилди.
