Бишкек, 24.02.26 /Кабар/. Министрлер кабинетинин төрагасы Адылбек Касымалиев Суу ресурстары, айыл чарба жана кайра иштетүү өнөр жайы министрлигинин борбордук аппаратына министрлер кабинетинин төрагасынын орун басары – суу ресурстары, айыл чарба жана кайра иштетүү өнөр жайы министринин милдетин аткаруучу Эрлист Акунбековду тааныштырды.
МинКаб башчысы ведомствонун ишмердүүлүгүнүн артыкчылыктуу багыттарына токтолуп, министрдин милдетин аткаруучунун алдына бир катар негизги милдеттерди койду. Ал айыл чарба тармагында жана экономиканын реалдуу секторунун башка багыттарында жетишилген оң динамиканы сактоо, ошондой эле көрсөткүчтөрдүн туруктуу өсүшүн камсыз кылуу зарылдыгын өзгөчө белгиледи.
