Бишкек, 14.09.26 /Кабар/. “Ынтымак Ордодо” президент Садыр Жапаровдун катышуусунда мамлекеттик сыйлыктарды жана ардак наамдарды тапшыруу аземи өтүүдө.
Иш-чарада өлкөнүн социалдык-экономикалык, интеллектуалдык жана маданий потенциалын өнүктүрүүгө кошкон олуттуу салымы, кесиптик ишиндеги жетишкендиктери үчүн бир катар инсандарга мамлекеттик сыйлыктар жана ардак наамдар тапшырылып жатат.
Сыйлануучуларга төмөнкү мамлекеттик сыйлыктар жана ардак наамдар ыйгарылды:
- “Эмгек баатыры” артыкчылык даражасы;
- III даражадагы “Манас” ордени;
- “Эрдик” ордени;
- “Даңк” ордени;
- “Достук” ордени;
- “Кыргыз Республикасынын эл мугалими” ардак наамы;
- “Кыргыз Республикасынын эл врачы” ардак наамы;
- “Кыргыз Республикасынын эл артисти” ардак наамы;
- “Кыргыз Республикасынын эл жазуучусу” ардак наамы;
- “Кыргыз Республикасынын эл акыны” ардак наамы;
- “Кыргыз Республикасынын эл сүрөтчүсү” ардак наамы;
- “Кыргыз Республикасынын жаратманы” ардак наамы;
- “Кыргыз Республикасынын сыймыгы” ардак наамы;
- “Ардак” медалы.
Белгилей кетсек, буга чейин мамлекеттик сыйлыктар жана ардак наамдар жөнүндөгү мыйзамга өзгөртүүлөр киргизилген. Кабыл алынган жаңы мыйзамга ылайык, сыйлыктардын 22 түрү белгиленип, сыйлык ээлеринин укуктары жана аларга берилүүчү социалдык кепилдиктер аныкталган.
