Бишкек, 30.07.25. /Кабар/. Египет бийлиги туризм тармагынан түшкөн кирешени 30 миллиард долларга жеткирүүнү көздөп жатат. Бул тууралуу РИА Новости жазды.
Маалыматка ылайык, туризм – өлкөгө киреше алып келе турган негизги булактардын бири. Мындан улам Египет 2028-жылга карата чет элдик туристтердин санын 30 миллионго жеткирүүнү пландоодо.
Египеттин премьер-министри Мустафа Мадбули билдиргендей, 2024-жылы өлкөгө 15,7 млн турист келген.
Ошондой эле Египеттин бийлиги октябрдан тартып гиддердин айлыгын жогорулатууну чечти. Туризм министрлигинин маалыматына караганда, алардын бир күндүк эмгек маянасы 1 миңден 1,8 миң фунтка чейин көбөйөт (20,5тен 37 АКШ доллары). Жарым күндүк акысы – 1,1 миң фунт. Гиддердин айлыгы 2023-жылы 1 миң фунтка чейин жогорулатылган.
