Бишкек, 09.07.26. /Кабар/. 31-август – Эгемендүүлүк күнүнө карата Кызыл-Кыя шаарына караштуу Караван айылында жаңы терапия бөлүмү пайдаланууга берилет.
Президенттин Баткен облусундагы өкүлчүлүгүнөн билдиришкендей, саламаттык сактоо объектисинин даярдыгын облус башчысынын орун басары Абдирашит Ташбалтаев жеринен текшерди.
Заманбап имараттын курулушуна Бүткүл дүйнөлүк жаштар ассамблеясы тарабынан 20 млн сом инвестиция тартылып, жергиликтүү бюджеттен кошумча 7 млн сом бөлүнгөн.
"Бейтапкана 17 орунга ылайыкташтырылып, акыркы үлгүдөгү талаптарга шайкеш курулду. Анын ишке кириши менен 18 жаңы жумуш орду түзүлөт", - деп айтылат маалыматта.
Текшерүүнүн жыйынтыгында тиешелүү мекемелерге объектти белгиленген мөөнөттө жана жогорку сапатта салтанаттуу ачууга тапшырмалар берилди.
