Бишкек, 12.02.26. /Кабар/. Кыргызстандык дзюдочу Дастанбек Нурманбетов Open Masters Games-2026 дүйнөлүк оюндарында 30 жаштан жогоркулар арасында коло медаль жеңди.
Дене тарбия жана спорт мамлекеттик агенттигинен билдиришкендей, турнир Бириккен Араб Эмираттарынын Абу-Даби шаарында өтүүдө.
Алгачкы айлампада Иорданиянын өкүлүн жеңген Нурманбетов кийинки айлампада Өзбекстандын спортчулусуна утулуп калды. Үчүнчү айлампада казакстандык атаандашын жеңип, жыйынтыгында коло байгеге ээ болду.
Белгилей кетсек, аталган мелдеш 23-февралга чейин уланат.
