Бишкек, 27.03.26. /Кабар/. 2026-жылдагы футбол боюнча дүйнөлүк чемпионатка жолдомо алуу укугу үчүн Европанын плей-офф раундунун финалдык этабынын бардык катышуучулары аныкталды. Бул тууралуу "Чемпионат" сайты билдирет.
Финалдык жуптар:
- Чехия — Дания;
- Косово — Түркия;
- Босния жана Герцеговина — Италия;
- Швеция — Польша.
Беттештер 31-мартта өтөт.
Ал эми дүйнөлүк чемпионат 11-июнда башталып, 19-июлда аяктайт. Турнирге биринчи жолу 48 команда катышып, үч өлкөдө — АКШ, Канада жана Мексикада ойношот.
Белгилей кетсек, Аргентина — учурдагы дүйнө чемпиону. 2022-жылы турнирдин финалында Аргентина курама командасы Франция менен беттешип, жеңишке жеткен.
