Бишкек, 27.04.26. /Кабар/. Бишкек шаарынын Свердлов районуна караштуу конуштардын тургундары арасында салттуу жазгы спартакиада өттү.
Муниципалитеттен билдиришкендей, 11-апрелден 26-апрелге чейин созулган спорттук мелдешке балдар, өспүрүмдөр жана чоңдордон турган жалпы 684 адам катышты. Спорттук беттештер "Восток" айылындагы спорт аянтчасында өттү.
Спартакиаданын программасы спорттун жети түрүн камтыды:
- кичи футбол,
- волейбол,
- армрестлинг,
- тогуз коргоол,
- аркан тартыш,
- үч тапан (чүкө)
- жеңил атлетика (эстафета).
Мелдештин негизги максаты — калк арасында дени сак жашоо образын жайылтуу, өспүрүмдөрдү спортко кызыктыруу жана алардын бош убактысын пайдалуу өткөрүү болуп саналат.
Мындан тышкары, спартакиада таланттуу жаш спортчуларды аныктап, аларды шаардагы балдар-өспүрүмдөр спорт мектептерине багыттоо үчүн маанилүү аянтчага айланды.
Мелдештин жыйынтыгында өзгөчөлөнгөн командалар жана спортчулар тиешелүү даражадагы дипломдор, медалдар жана кубоктор менен сыйланышты.
Спорттук иш-чараны Бишкек шаарынын мэриясынын Дене тарбия жана спорт, туризм жана жаштар менен иштөө департаменти уюштурду.
