Бишкек, 24.03.26. /Кабар/. Чуңкурчак капчыгайында тоо аралык дистанциялар боюнча спорттук туризм боюнча Бишкек шаарынын ачык чемпионаты өттү. Бул тууралуу мэриядан билдиришти.
Маалыматка ылайык, мелдешке аймактын күчтүү командалары жана спортчулары катышты. Алар "аска дистанциясы", "асма өтмөк" жана "жабырлануучуну ташуу" сыяктуу техникалык этаптарда күч сынашып, жогорку деңгээлдеги даярдык, чыдамкайлык жана командалык ынтымактуулугун көрсөтүштү.
Чемпионаттын алкагында топтук дисциплиналарда жана жуптук мелдештерде жалпысынан 14 комплект медаль ойнотулду.
