Бишкек, 21.09.26. /Кабар/. Японияда өтүп жаткан Азия оюндарынын алкагында ММА боюнча кыргызстандык спортчу Сыймык Жаныбек уулу коло медаль тагынды.
Дене тарбия жана спорт мамлекеттик агенттигинен билдиришкендей, ал мелдешти чейрек финалдан баштап, Иорданиянын өкүлү Раад Алнажжарды 3:0 эсебинде жеңген.
Бүгүн, 21-сентябрда өткөн жарым финалда Сыймык Жаныбек уулу Бахрейндин спортчусу Мухаммад Набиев менен беттешип, 3:0 эсебинде жеңилип калды.
Жыйынтыгында кыргызстандык спортчу Азия оюндарынын коло медалына ээ болду.
