Бишкек, 20.11.25. /Кабар/. Баңгизаттарды сатуу менен алектенген топтун уюштуруучуларынын бири Чүй облусунда 1 килограмм баңгизат сатууга аракет кылып жатканда кармалды. Бул тууралуу УКМКдан билдиришти.
Маалыматка караганда, буга чейин трансулуттук баңгизат тобунун уюштуруучуларынын бирине карата Тажикстан - Ош облусу - Чүй облусу каттамы боюнча баңгизат жеткирүү каналын уюштуруу фактысы боюнча кылмыш иши козголгон.
Анын негизинде 18-ноябрда тергөө жана ыкчам иш-чаралардын жүрүшүндө аталган каналды уюштурууга шектүү Г.А.Т. кармалып, Октябрь райондук сотунун чечими менен камакка алынды.
