Бишкек, 18.03.25. /Кабар/. Дин иштери боюнча мамлекеттик комиссия жана Кыргызстан мусулмандарынын дин башкармалыгы тарабынан чет өлкөлөрдө диний билим алууну каалаган жарандар үчүн окуу жайлар сунушталды.
Диний окуу жайлардын тизмеси:
- Египет – Аль-Азхар университети;
- Иордания – Иордан Университети – мамлекеттик билим берүү мекемеси;
- Россия Ислам институту, Казань шаары;
- Россия Ислам университети, Уфа шаары;
- Москва ислам институту, Москва шаары;
- Болгар Ислам Академиясы, Татарстан;
- Малайзия – Эл аралык Ислам университети;
- Өзбекстан – Ташкент Ислам институту;
- Казакстан – Нур-Мубарак университети;
- Түркия – Диянет иштери башкармалыгына караштуу диний билим берүү мекемелери.
Эскерте кетсек, “Дин тутуу эркиндиги жана диний бирикмелер жөнүндө” мыйзамдын 6-беренесинде “Кыргыз Республикасынын жарандары билим берүү жөнүндө мыйзамдарга ылайык жалпы орто билим алгандан (11-класс) кийин же диний билим алгандан кийин чет өлкөдө диний билим алууга укуктуу” деп белгиленген.
