Бишкек, 17.06.26. /Кабар/. Үч-Коргон Жалпы дарыгерлик практика борборунда дары-дармек каражаттарын жана медициналык буюмдарды сактоо шарттары жакшыртылууда. Бул тууралуу Саламаттык сактоо министрлигинен билдиришти.
Мекеменин жетекчиси Орозбек Муратовдун демилгеси менен медикаменттерди сактоонун заманбап талаптарына жооп берген жаңы дары-дармек кампасы курулду.
Жаңы кампа дары-дармек каражаттарын тийиштүү шарттарда сактоого, температуралык режимди так сактоого, медикаменттердин эсебин жана логистикасын жакшыртууга, ошондой эле медициналык уюмдун иш натыйжалуулугун жогорулатууга мүмкүндүк берет.
