Бишкек, 30.01.25. /Кабар/. Быйыл Талас облусунда 36 миңден ашык акылдуу эсептегич орнотулат.
Энергетика министрлигинен билдиришкендей, Талас электр тармактар ишканасы Манас, Бакай-Ата, Айтматов жана Талас райондорунда жалпы 36 742 даана акылдуу эсептегич орнотуу иштерин баштады.
Белгиленгендей, Талас районунда 10 842 даана, Манас районунда 5 600 даана, Бакай-Атада 7 800 даана жана Айтматов районунда 12 500 даана акылдуу эсептегич орнотулмакчы. Бул иш-чара электр энергиясын колдонуу боюнча так маалыматтар алууга жана чыгымдарды башкарууга жардам берет.
Эске салсак, 2024-жылы Талас шаарына 6 092 даана акылдуу эсептегич орнотулган.
