Бишкек, 12.08.26. /Кабар/. Улуу Британияда 2026-жылдагы адаттан тыш ысык аба ырайы өндүрүштүн төмөндөшүнөн улам экономикага 4,4 млрд фунт стерлинг (болжол менен $6 млрд) чыгым алып келиши мүмкүн. Бул тууралуу жергиликтүү басылмалар жазышты.
Маалыматка ылайык, ысык аба ырайы тез-тез кайталанса, 2030-жылга карата жылдык экономикалык чыгым 25 млрд фунт стерлингден ($33,7 млрд) ашышы мүмкүн. Бул эсепке токой өрттөрү жана кондиционерлерди иштетүүгө кеткен кошумча чыгымдар кирген эмес.
Быйыл өлкөдө абанын температурасы 30 градустан ашкан 35 күн катталды. Синоптиктер ушул жумада дагы ысык толкун болуп, температура 35–40 градуска чейин көтөрүлүшү мүмкүн экенин билдиришти.
Улуу Британиянын премьер-министри Энди Бёрнэм аптаптуу ысык жана кургакчылыкка байланыштуу өкмөттүн Cobra комитетинин жыйынын өткөрөт.
