Бишкек, 14.02.25. /Бишкек/. Бүгүн Бишкекте "Жаңы муун - жаркын келечек, таза муун - коопсуз келечек" жаштар форуму өтүүдө.
Иш-чарага Чуй облусунун ички иштер башкы башкармалыгынын башчысы Каныбек Абдырахманов, Ички иштер министрлигинин өкүлдөрү жана окуучулар катышууда.
Форумдун максаты - жаштар арасындагы баңгизаттын жайылышынын алдын алуу, жашы жете элек өспүрүмдөрдүн конституциялык укуктарын коргоону камсыз кылуу, өспүрүмдөр арасындагы терс көрүнүштөрдүн алдын алуу.
Белгилей кетсек, форум министрлер кабинетинин 2022-2028-жылдарга карата укук бузуулардын алдын алуу чөйрөсүндөгү мамлекеттик саясаттын концепциясын ишке ашыруу боюнча кабыл алынган "Улуттук пландын" талаптарын аткаруунун алкагында өтүүдө.
