Бишкек, 05.02.26. /Кабар/. Бүгүн Каба уулу Кожомкул атындагы спорт ордосунда 17 (U17) жашка чейинки спортчулар арасында спорттук күрөш боюнча Кыргызстандын биринчилиги өтүүдө. Бул тууралуу Дене тарбия жана спорт мамлекеттик агенттигинен билдиришти.
Мелдештин жыйынтыгы боюнча I, II, III орундарды ээлеген балбандар медаль жана дипломдор менен сыйланат, ошондой эле Кыргызстандын курама командасынын курамына киргизилет.
Белгилей кетсек, мелдештин биринчи күнүндө 17 жашка чейинки кыз-келиндер арасындагы беттештер өтүүдө.
Мелдештин негизги максаты – күрөштү жайылтуу, сергек жашоого үндөө жана 2026-жылдагы эл аралык турнирлерге улуттук кураманы тандоо.
Кыз-келиндер төмөнкү салмак категориялары боюнча күч сынашат: 40, 43, 46, 49, 53, 57, 61, 65, 69, 73 кг.
Финалдык беттештер саат 17:00дө башталат.
