Бишкек, 08.04.26. /Кабар/. Бүгүн, 8-апрелде Каба уулу Кожомкул атындагы Спорт ордосунда эркектер жана кыз-келиндер арасында кармаш уруш боюнча Кыргызстандын чоңдор арасындагы чемпионаты, ошондой эле жаштар жана өспүрүмдөр арасындагы биринчилиги башталды. Бул тууралуу Дене тарбия жана спорт департаментинен билдиришти.
Маалыматка ылайык, салтанаттуу ачылыш аземге Спорттун олимпиадалык эмес түрлөрү боюнча дирекциясынын өкүлдөрү, спортчулар жана күйөрмандар катышты.
Мелдешке өлкөнүн ар кайсы аймактарынан келген жалпы 153 спортчу катышууда. Алар 52 кг, 57 кг, 62 кг, 67 кг, 73 кг, 80 кг, 88 кг, 97 кг чейинки жана 97 кг жогору салмак категорияларында күч сынашат.
Белгиленгендей, мелдештин финалдык беттештери 9-апрелде өтөт.
