Ушул күндөрү Бишкекте 20 жашка (U-20) чейинкилер арасында хоккей боюнча дүйнө чемпионатынын Үчүнчү дивизионунун (В тайпасы) командалары арасында беттештер өтүүдө. Турнирге Кыргызстан, Мексика, Люксембург, Түштүк Африка, Иран жана Гонконг (Кытай) курама командалары катышууда. Чемпионат 24-январга чейин уланат.
Кыргызстандын курама командасынын чемпионаттагы жүрүшү ийгиликтүү болуп, алгач Гонконгдун (Кытай) курама командасын 4:1 эсебинде, андан кийин Түштүк Африка командасын 7:2 эсебинде жеңди. Кыргыз курама командасы кийинки беттешин 21-январда Иранга каршы өткөрөт.
