Бишкек, 11.05.26. /Кабар/. 10-майда Бишкектеги "Газпром балдарга" дене тарбия жана ден соолукту чындоо комплексинде грэпплинг ADCC боюнча Кыргызстандын чемпионаты башталды.
Дене тарбия жана спорт мамлекеттик агенттигинен билдиришкендей, чемпионат өспүрүмдөр жана чоңдор арасында өтүүдө.
Мелдешке Кыргызстандын бардык аймактарынан келген спортсмендер катышып, жеңүүчүлөр Азия чемпионатына катышуу мүмкүнчүлүгүнө ээ болот.
Турнирдин максаты грэпплинг спорт түрүн өнүктүрүү, спортсмендердин арасында тажрыйба алмашуу жана эл аралык деңгээлдеги мелдештерге мыктыларды тандоо болуп саналат.
