Бишкек, 05.05.26. /Кабар/. Бишкек шаарынын 148 жылдыгына арналган спорттук бал бийи боюнча шаар чемпионаты өттү. Бул тууралуу мэриядан билдиришти.
Мелдешке 5 жаштан жогорку курактагы, анын ичинде чоңдор да болуп, жалпы 600гө жакын спортчу катышты. Катышуучулар ”соло” жана ”жуп“ категорияларында күч сынашты.
Аталган чемпионат спортчулар үчүн өзгөчө мааниге ээ, анткени анын жыйынтыктары спорттук разряддарды ыйгарууда эске алынып, ошондой эле Кыргыз Республикасынын курама командасынын курамына тандалып, эл аралык мелдештерге катышууга мүмкүнчүлүк түзөт.
Мелдештин жыйынтыгында жеңүүчүлөр жана байге ээлери кубок, медаль жана дипломдор менен сыйланышты.
