Бишкек, 13.04.26 /Кабар/. Борбор калаадагы "Бишкек-1" станциясынан атлетчи Алексей Тепляшин сегиз бош жүк вагонун ордунан жылдыра алды. Бул тууралуу "Кыргыз темир жолу" ишканасынан билдиришти.
Маалыматта белгиленгендей, спортчунун күчү менен курам 6,5 метр аралыкка жылдырылды. Ал эми анын жалпы салмагы 189 тонна 600 килограммды түзөт. Алексей Тепляшин күч экстреми менен беш жылдан ашуун убакыттан бери алектенип келет. Ал мыктарды ийип, болотторду сындырып, металл буюмдарды бурай алат.
Жарым жыл мурун атлетчи жалпы салмагы 165 тонна 900 кг болгон 7 вагонду жылдырган. Келечекте ал 9 вагонду жылдырууну максат кылат.
