Бишкек, 28.04.26. /Кабар/. "Кыргызстандарт" жана анын 10 аймактык кеңсеси техникалык регламенттерге ылайык декларацияларды каттоого жана жол-жоболорду жүргүзүүгө укуктуу болуп саналат. Бул тууралуу "Кабар" агенттигинде өткөн маалымат жыйынында компаниянын шайкештикти баалоо бөлүмүнүн башчысы Аспира Калиева билдирди.
Анын айтымында, Бишкек сыноо, сертификаттоо жана метрология борбору Өзбекстандын Улуттук аккредитациясынан ISO 22000 жана ISO 9001 боюнча эл аралык аккредитациядан өттү.
"Бул борбор үчүнчү өлкөлөргө, ЕАЭБ өлкөлөрүнө жана эл аралык рынокторго экспорттоого багытталган ишканаларды сертификациялай алат дегенди билдирет. Арыз ээлери көп учурда ортомчуларга кайрылышып, натыйжада документтер жараксыз болуп калат. Мындай учурларда алар борборго кайрылышат, ал жерде кеп-кеңештер берилип, талаптарды түшүндүрүү жана каттоо жана декларациялоо жол-жоболорун жөнөкөйлөштүрүү боюнча жардам алышат", - деп белгиледи ал.
Калиева белгилегендей, аккредитацияланган органдар тарабынан берилген сертификаттарга аккредиацияланган лабораториялар берген сыноо протоколдору менен милдетүү түрдө коштолушу зарыл.
