Бишкек, 11.02.26. /Кабар/. Бүгүн Баткен облусуна 43 жол куруу техникалары тапшырылды. Бул тууралуу президенттин аймактагы өкүлчүлүгүнөн билдиришти.
Техникалар Япониянын JICA агенттигинин колдоосу менен сатып алынып, "Баткен облусунун унаа жолдорун жана жол катмарын тейлөө үчүн жабдууларды жакшыртуу" долбоорунун алкагында Япониянын JICA агенттигинин колдоосу берилди.
Ошондой эле Баткен районунда саатына 35 тонна өндүрүмдүүлүккө ээ асфальт-бетон заводу ачылды.
"Биз бул кызматташууну жогору баалайбыз, анткени Япония биздин өлкөдөн алыс жайгашканына карабастан, ар дайым биздин жаныбызда экенин далилдеп турат. JICA агенттиги бардык багыттарда өнөктөштүктү кеңейтүүдө ишенимдүү өнөктөш экенин белгиледи", - облус башчысы Айбек Шаменов.
Белгилей кетсек, асфальт-бетон заводунун ишке кириши жаңы жолдорду куруу, оңдоо үчүн керектүү материалдарды өз убагында жана сапаттуу камсыз кылууга мүмкүнчүлүк түзөт. Ал эми заманбап жол-транспорт техникалары жолдорду тейлөө иштерин кыйла ылдамдатат.
2025-жылы Баткен облусунда 84 чакырым жол асфальтталып, 56 чакырым шагыл жол курулган. Ал эми быйыл 300 чакырым жолду асфальтоо жана 100 чакырым жолго шагыл төшөө каралууда.
