Бишкек, 23.09.25 /Кабар/. Бельгия расмий түрдө Палестинанын мамлекеттүүлүгүн тааныган өлкөлөрдүн катарына кошулду. Бул тууралуу Бириккен Улуттар Уюмунун Башкы ассамблеясында өлкөнүн премьер-министри Барт Де Вевер билдиргенин, Коммерсант жазды.
Маалыматка ылайык, премьер-министрдин айтымында, Бельгия ар дайым “эки мамлекет” принцибин колдоп келген жана бүгүн Нью-Йорк декларациясына кошулду. “Ушундай чечим гана Израиль менен Палестина элине тынчтыкта жана коопсуздукта жашоого шарт түзөт”,— деди ал.
Белгилей кетсек, 21-сентябрда Улуу Британия, Канада, Австралия жана күн мурун Португалия менен Францияда да Палестинаны өлкө катары тааныгандыгын жарыялашкан.
