Бишкек, 01.09.25. /Кабар/. Баткен районуна караштуу Жаңы-Жер айлындагы 500 орундуу мектептин курулушу уланууда.
Курулуш, архитектура жана турак жай-коммуналдык чарба министрлигинен билдиришкендей, объект 2023-жылы курулуп баштаган, республикалык бюджеттен каржыланууда.
Тендердик баасы 164 млн сомду түзөт.
Долбоор боюнча мектеп эки кабаттуу окуу корпусунан, өтмө галерея жана спортзалынан турат. Ошондой эле заманбап ашканасы, лаборатория, компьютердик класс жана китепканасы каралат.
Учурда курулуш-монтаждоо иштери 55 пайызга аткарылды.
