Бишкек, 27.04.26. /Кабар/. Баткен районунун Жаңы Достук айылына 100 орундуу заманбап бала бакча курулууда.
Курулуш, архитектура жана турак жай-коммуналдык чарба министрлигинен билдиришкендей, долбоор республикалык бюджеттен каржыланып, объекттин наркы 64 млн сомду түзөт.
Башкы планга ылайык, бала бакчанын жалпы аянты 988 чарчы метрди түзүп, эки кабаттуу имараттан турат. Учурда эки кабаттын колонна орнотуу иштери аяктап, бетон төшөлүүдө.
Курулуш-монтаждоо иштеринин ар бир этабы текшерүүдөн өткөрүлүп, иштин аткарылышын Турак жай-жарандык курулуш департаменти көзөмөлдөйт.
