Баткенде турак жайын камсыздандыргандардын саны артты

Аймак
Баткенде турак жайын камсыздандыргандардын саны артты
Баткенде турак жайын камсыздандыргандардын саны артты
Алдыга
Артка
Баткенде турак жайын камсыздандыргандардын саны артты
Баткенде турак жайын камсыздандыргандардын саны артты
Алдыга
Артка

Назира Кенжебекова

Бардык материалдар

Бишкек, 04.03.26 /Кабар/. Баткен облусунда турак жайын камсыздандыргандардын саны 1,4%га жогорулады. Бул тууралуу "Кабар" агенттигине Мамлекеттик камсыздандыруу уюмунун Баткен филиалынын директору Жайлообек Жакшылыков билдирди.

Директор белгилегендей, жыл башынан бери турак жайы зыянга учураган 4 жаранга 489 миң сом төлөнүп берилди. Ал эми 2025-жылы облуста 13 жаранга жалпы 1 млн 636 миң сом өлчөмүндө кенемте төлөнүп берилген.

"Облус аймагында турак жайын камсыздандыргандардын саны жылдан жылга өсүүдө. 2026-жылдын көрсөткүчтөрү өткөн жылдын ушул мезгилине салыштырмалуу 1,4% жогору. Бул багытта уюм облустагы 3 район менен 3 шаарда жергиликтүү бийлик органдары менен биргеликте калк менен жолугушуп, түшүндүрүү иштерин жүргүзүүдө. Андан сырткары, филиалдын кызматкерлери жер-жерлерге барып окууларды, бекитилген медиа пландын негизинде иш-чараларды уюштурууда. Ал эми бул иштер жарандардын камсыздандыруу маданиятын жогорулатууга жана мүлктү коргоо деңгээлин арттырууга багытталган", - деп белгиледи Жакшылыков.