Бишкек, 12.02.26. /Кабар/. Президенттин Баткен облусундагы өкүлү Айбек Шаменов ЮНИСЕФтин Кыргызстандагы өкүлү Самман Джунг Тапа менен жолукту. Бул тууралуу өкүлчүлүктөн билдиришти.
Облус башчысы майыптуулугу бар балдарды калыптандыруу жана бул багытта адистердин жетишсиздики сыяктуу көйгөйлөрдү көтөрдү. Тагыраагы, балдар невропатологу, дене тарбия жана адаптациялык дене тарбия, сенсордук интеграция, АВА-терапия боюнча, логопед-дефектолог, психолог, физиотерапевт адистерин даярдоо учур талабы экенин белгиледи.
Тараптар оорулуу балдардын өсүп өнүгүүсү үчүн шарттарды жакшыртуу максатында пилоттук негизде эки айыл өкмөттө майыптыгы бар балдарды калыптандыруу боюнча ата-энелерди окутуу, иштеп жаткан калыптандыруу борборлорунда тажрыйба топтоосун уюштурууну талкуулашты.
Белгилей кетсек, Баткен облусунда майыптуулугу бар 3150 бала катталган. Бул жаатта 3 күндүзгү реабилитациялык борбор жана 2 мамлекеттик атайын көмөкчү мектеп-интернат иш алып барат. Баткен районунда калыптандыруу борбордун жоктугу олуттуу көйгөй жаратып келет, анткени бул райондо 500дөн ашык ДМЧ бала жашайт.
