Бишкек, 30.12.25. /Кабар/. Баткен шаарында “Жаштык” жана “Жеңиш” борбордук эс алуу бактары пайдаланууга берилди.
Президенттин Баткен облусундагы өкүлчүлүгүнөн билдиришкендей, сейил бактарды реконструкциялоо иштери АРИС уюму тарабынан ишке ашырылды.
Парктарды ачуу аземине Баткен облусунун башчысы Айбек Шаменов, шаар мэри Сейтек Кулубаев баш болгон жергиликтүү жетекчилер, шаар тургундары катышты.
Эс алуу парктарынын курулушуна 137 млн 481 миң сом жумшалды.
Учурда эс алуу парктарында соода павильондору, амфитеатр, фонтан, шахмат ойноочу жай, санитардык-гигиеналык түйүндөр, балдар ойноочу аянт, машыгуу жайлары, тротуар жана велосипед жолдору курулду.
Ошондой эле жер астындагы электр, суу жана канализация коммуникациялары жаңыланды.
