Бишкек, 23.04.26. /Кабар/. 21-апрелде Баткен районунда "Айгүл гүлү-2026" фестивалы жыйынтыкталды. Бул тууралуу Маданият, маалымат жана жаштар саясаты министрлигинен билдиришти.
Маалыматка ылайык, фестивалдын алкагында кол өнөрчүлөрдүн, улуттук тамак-аштардын жана гүлдөрдүн көргөзмөлөрү уюштурулуп, калыстар тобунун чечими менен мыкты катышуучулар аныкталды. Аларга дипломдор жана акчалай сыйлыктар тапшырылды.
Улуттук кол өнөрчүлүк боюнча:
1-орун: Айзада Кошонова, Алибай Момунов – 15 000 сомдон;
2-орун: Феруза Сатибаева – 20 000 сом;
3-орун: Гүлайым Амиралиева – 10 000 сом.
Улуттук тамак-аш көргөзмөсү боюнча:
1-орун: Гүлназа Жусубалиева – 30 000 сом
2-орун: Гүлкайыр Курсаналиева – 20 000 сом
3-орун: Айпара Ибрагимова – 10 000 сом
Жандуу гүлдөр көргөзмөсү боюнча:
1-орун: Рахат Жураева – 30 000 сом;
2-орун: Айсулуу Жумабаева – 20 000 сом;
3-орун: Нурзада Турдумамат кызы – 10 000 сом.
Калган катышуучулар да 4000 сомдон кызыктыруучу сыйлыктарга ээ болушту.
Фестивалдын алкагында Баткен райондук мамлекеттик администрациясы тарабынан Баткен жана Исфара райондорунун кол өнөрчүлөрүнүн катышуусунда "Диалог" аттуу тегерек стол өткөрүлдү. Буга МЕРСИКО эл аралык уюму колдоо көрсөттү.
