Бишкек, 13.08.26. /Кабар/. Баткен шаарынын Чет-Булак аймактык башкармалыгында 75 орундуу заманбап балдар ооруканасынын курулушу башталды.
Президенттин аймактагы өкүлчүлүгүнөн билдиришкендей, анын пайдубалына мезгил кутусу салынды.
Иш-чарага президенттин Баткен облусундагы өкүлү Мамыржан Рахимов, АРИСтин аткаруучу директору Калыбек Жумадылов, Баткен шаарынын мэри Сейтек Кулубаев жана жергиликтүү тургундар катышты.
Мамыржан Рахимов бул объект облус үчүн маанилүү экенин белгилеп, Президент Садыр Жапаровдун колдоосу менен 350 орундуу облустук оорукананын курулушу 2027-жылы башталарын билдирди.
Белгилей кетсек, АРИС Баткен облусунда бир катар социалдык объектилерди куруу жана таза суу менен камсыз кылуу долбоорлорун ишке ашырууда.
