Бишкек, 29.12.25. /Кабар/. Президенттин Баткен облусундагы өкүлү Айбек Шаменов облус аймагындагы ата-энесинен ажыраган балдарга жаңы жылдык белектерин тапшырды.
Өкүлчүлүктөн билдиришкендей, облус башчысы Баткен шаарындагы балдар менен жолугуп, алар менен чогуу жаңы жылдык жомок көрүп, балдарды келе жаткан Жаңы жыл майрамдары менен куттуктады.
Ошондой эле аларга чың ден соолук, бактылуу балалык жана кең келечек каалап, белектерин тапшырды.
Айбек Шаменовдун белектери облус боюнча 150 балага жеткирилди.
