Бишкек, 23.09.26. /Кабар/. Баткен шаарында эттин баасын туруктуу кармоо жана калкты жеткиликтүү баада сапаттуу эт менен камсыз кылуу боюнча көзөмөл күчөтүлдү. Бул туурлуу Саламаттык сактоо министрлигинен билдиришти.
Шаар мэри Сейтек Кулубаев тиешелүү кызматтардын өкүлдөрү менен биргеликте эт сатуучу жайларды кыдырып, бааларга мониторинг жүргүздү.
Мониторингдин жыйынтыгында өлкө боюнча белгиленген баалар эске алынып, уй этинин килограммы 775 сомдон, кой эти 850 сомдон сатылышы керектиги белгиленди.
Ошондой эле шаарда муниципалдык эт сатуучу дүкөн иштеп, калкка жеткиликтүү баада эт сатуу камсыздалууда. Эттин баасына үзгүлтүксүз мониторинг жүргүзүлүп, негизсиз кымбаттоолорго жана санитардык-ветеринардык талаптардын бузулушуна жол бербөө чаралары көрүлөт.
