Бишкек, 13.08.26. /Кабар/. Бүгүн Баткен шаарынын Кызыл-Жол аймактык башкармалыгында 375 орундуу заманбап мектептин курулушуна мезгил кутучасы салынды.
Өкүлчүлүктөн билдиришкендей, иш чарага президенттин Баткен облусундагы өкүлү Мамыржан Рахимов, Коомчулукту өнүктүрүү жана инвестициялоо агенттигинин аткаруучу директору (АРИС) Калыбек Жумадылов, Баткен шаарынын мэри Сейтек Кулубаев жана облустук-шаардык мекеме-ишканалардын жетекчилери, шаар тургундагы катышты.
Облус башчысы өз сөзүндө Баткен облусу АРИС уюму менен тыгыз кызматташтыкта иш алып баруу менен, облустун социалдык жактан өнүгүүдө ар тараптуу зор колдоо көрсөтүп жаткандыгын баса белгиледи.
Бул салтанатта Коомчулукту өнүктүрүү жана инвестициялоо агенттигинин аткаруучу директору (АРИС) Калыбек Жумадылов да сөз сүйлөп, жаңы мектеп өлкөдө алдыңкы билим уясы, таланттуу окуучуларды тарбиялаган мыкты мектептердин катарын толукташына ишенерин белгиледи.
Иш чаранын жүрүшүндө курулушка мезгил кутучасы салынып, аксакалдар батасын беришти.
