Бишкек, 19.03.26 /Кабар/. Баткен шаардык мэриясына техникалар тапшырылды.
Президенттин Баткен облусундагы өкүлчүлүгүнөн билдиришкендей, техникаларды сатып алуу үчүн Баткен облусун өнүктүрүү фондунан 8 млн сом, жергиликтүү бюджеттен 4 млн 692 миң 255 сом каржыланган. 3 техниканын жалпы баасы 12 млн 692 миң 255 сомду түздү.
Техникаларды шаарга Баткен облусунун башчысы Мамыржан Рахимов тапшырып, жаңы техникалар элибизге узак убакытка кызмат кылуусун жана элге кызмат көрсөтүүнүн сапатын жакшыртуусуна ишенимин билдирди.
Тапшырылган техника:
- Асфальт тазалап- жуучу авто унаа. Бул техника шаарда жолдорду жана көчөлөрдү механикалык тазалоо, чаңды басуу, суу чачуу, муниципалдык жана коммуналдык камсыздоо кызматтарын аткарууга ылайыктуу.
- Эвакуатор-манипулятор авто унаа. Бул техника бузулган же жүрбөй калган техникаларды ташуу, атайын уналарды жүктөө, көтөрүү, шаар ичинде жана трассаларда кызмат аткарууга ылайыктуу.
- Хово 10 тонналык жүк ташуучу унаа. Бул техника курулуш материалдарын ташуу (кум, шагыл, топурак) өндүрүш жана карьер иштеринде колдонууда кызмат аткарууга ылайыктуу.
